«Таза Қазақстан» жалпыұлттық экологиялық бастамасы аясында Еуразиялық банк қызметкерлері мен Астана қаласының Инвестициялар және кәсіпкерлікті дамыту басқармасы бірлесіп, №118 және №107 жайлы мектептердің аумағын көгалдандырды.
Іс-шараға білім беру ұйымдарының өкілдері мен «Жер елшілері» жастар экологиялық қозғалысының мүшелері қатысты. Екі мектептің аумағына барлығы 100-ден астам көшет отырғызылды.
Акцияның мақсаты – мектеп аумақтарын көгалдандыру, білім алушылар үшін қолайлы орта қалыптастыру және өскелең ұрпақтың экологиялық мәдениетін арттыру. Мұндай бастамалар табиғатқа жанашырлықпен қарауды үйретіп, елорданың жасыл желегін көбейтуге және қаланың көркеюіне үлес қосады.
#Астана #Елорда #ТазаҚазақстан
https://www.instagram.com/p/DeT9wwRACgW/
Ақпарат көзі : https://www.gov.kz/memleket/entities/astana-uir/press/news/details/1309584?lang=ru
Жауап қалдыру