Маңғыстау облысының Ақтау, Жаңаөзен қалаларында, сондай-ақ Мұнайлы, Маңғыстау, Бейнеу, Түпқараған және Қарақия аудандарында «Жолда қабылдау» республикалық акциясы өтті.
Акцияның негізгі мақсаты – азаматтардың құқықтық сауаттылығын арттыру, тұрғындардың өтініштері мен сұрақтарына жауап беру, жол қозғалысы қауіпсіздігін қамтамасыз ету және жол-көлік оқиғаларының алдын алу.
Іс-шаралар барысында полиция қызметкерлері тұрғындармен кездесіп, жол қозғалысы ережелерін сақтау, жол қауіпсіздігі және полиция қызметіне қатысты өзекті мәселелер бойынша түсіндіру жұмыстарын жүргізді.
Тұрғындар өздерін толғандырған сұрақтарын қойып, өтініштері мен ұсыныстарын жеткізді. Полиция қызметкерлері азаматтарға қажетті түсініктемелер беріп, көтерілген мәселелер бойынша жауаптар ұсынды.
Мұндай акциялар халықпен ашық диалог орнатуға, азаматтардың өтініштерін қарауға және полиция мен қоғам арасындағы байланысты нығайтуға мүмкіндік береді.
Маңғыстау облысының Полиция департаменті азаматтардың құқықтары мен заңды мүдделерін қорғау, қоғамдық қауіпсіздікті қамтамасыз ету және жол-көлік оқиғаларының алдын алу бағытындағы жұмыстарды жалғастырады.
Жол қауіпсіздігі – ортақ жауапкершілік!
Ақпарат көзі : https://www.gov.kz/memleket/entities/mvd-mangystau/press/news/details/1313764?lang=ru
Жауап қалдыру