Бүгін Қазақстандағы ең жауынгерлік қабілеті жоғары және беделді арнайы бөлімшелердің бірі – «Арлан» тобының құрылғанына 27 жыл толып отыр. Осы жылдар ішінде арнайы бөлініс жауынгерлері кәсібилігін, темірдей тәртібін және кез келген жағдайда қоғамдық қауіпсіздікті қамтамасыз етуге әрдайым дайын екенін талай рет дәлелдеді.
Алматы облысының полиция департаменті арнайы бөлімшенің қызметтегі және ардагер қызметкерлерін кәсіби мерекесімен шын жүректен құттықтап, жанқиярлығы, табандылығы және антқа адалдығы үшін алғыс білдіреді.
«Арлан» құрылған күнінен бастап сенімділік пен күштің символына айналды. Оның жауынгерлері әрдайым ең қауіпті жерлерге бірінші болып барады – найзағайдай шапшаң әрекет пен қателеспейтін шешімдер қажет болғанда. Олар қарулы қылмыскерлерді ұстау, кепілге алынған адамдарды босату, қауіп-қатерлерді жою және төтенше жағдайларда құқықтық тәртіпті қамтамасыз ету бойынша арнайы операцияларға қатысады.
Бүгінде «Арлан» – бұл жай ғана арнайы бөлімше емес. Бұл – Отанға қызмет етуді өз еркімен таңдаған, өз ісіне адал, қайсар жандардың қауымдастығы.
Мерейтоймен шын жүректен құттықтаймыз! Дендеріңізге саулық, күш-жігер, отбасыларыңызға амандық және кәсіби қызметтеріңізде жаңа жетістіктер тілейміз!
Ақпарат көзі : https://www.gov.kz/memleket/entities/mvd-alm/press/news/details/994178?lang=kk
Жауап қалдыру