«АДАЛ АЗАМАТ, КӘСІБИ МАМАН»: АБАЙ ОБЛЫСЫНЫҢ 2025–2026 ОҚУ ЖЫЛЫНЫҢ НЕГІЗГІ БАҒЫТЫ

📌20–21 тамыз күндері Семей қаласындағы «Ес-Аймақ» рухани орталығында педагогтердің облыстық дәстүрлі Тамыз конференциясы өтеді. Биылғы жиынның тақырыбы – «Білім келешегі: адал азамат, кәсіби маман».

🎯Конференцияның басты мақсаты – жастарды саналы кәсіби таңдау жасауға бағыттау, адал еңбекке тәрбиелеу, жұмысшы мамандықтарының мәртебесін арттыру және білім беру жүйесін еңбек нарығы талаптарына бейімдеу.

👩‍🏫Жиынға 300-ден астам педагог, білім беру ұйымдарының басшылары, психологтар, кітапханашылар, әдіскерлер, ардагер ұстаздар, әдістемелік кабинет меңгерушілері мен жергілікті атқарушы орган өкілдері қатысады.

🏛20 тамыз күні сағат 16:00-де Абай облысы әкімінің төрағалығымен пленарлық мәжіліс өтеді. Оған жергілікті басқару ұйымдары, білім беру мекемелері мен IT-компаниялардың өкілдері қатысады.

🎤Спикерлер:
Берік Уәли – Абай облысының әкімі
Еділ Оспан – ҚР Оқу-ағарту вице-министрі
Бауыржан Туленов – Абай облысы білім басқармасының басшысы
Төлеу Әбішев – Ыбырай Алтынсарин атындағы ұлттық
білім академиясының «Тәрбие теориясы
және әдістемесі» орталығының
директоры
Надия Жанұзакова – «Өрлеу» біліктілікті арттыру ұлттық орталығы» АҚ филиалы Абай облысы бойынша өкілдігінің басшысы
Мағжан Кистаубаев – «ROQED» компаниясының директоры
Каныш Тулеуов- Геодезия, картография және құрылыс жоғары колледжі директоры
Нуржанат Еркинбаева – Бесқарағай ауданы №1 мектеп директоры

💻 «Саналы азамат. Сандық дәуір. Білікті маман» цифрлық көрмеде оқушылардың жобалары, жаңа технологиялық шешімдер және еңбек нарығымен сабақтасқан заманауи білім үлгілері ұсынылады.

🎭Мәдени бағдарлама аясында педагогтерге арналған «Мұғалім» спектаклі сахналанады.

📚21 тамыз күні Семей қаласындағы №51 мектепте 10 бағыт бойынша секциялық отырыстар өтеді. Талқыланатын негізгі тақырыптар: кәсіби бағдар, функционалдық сауаттылық, цифрлық білім беру және интеграциялық оқу бағдарламалары.

✅Конференция барысында үздік білім беру ұйымдарына арнайы сертификаттар табысталып, бірқатар педагогтер «Ерен еңбегі үшін» медалі, «Білім беру ісінің құрметті қызметкері» төсбелгісі, ҚР Оқу-ағарту министрлігінің Алғыс хаты және Абай облысы әкімінің Құрмет грамотасымен марапатталады.

📢Барлық БАҚ өкілдерін шақырамыз!

Сұрақтар бойынша: 87479969066 – Салтанат Амантайқызы, Абай облысы білім басқармасының баспасөз хатшысы

Абай облысы білім басқармасының баспасөз қызметі

Ақпарат көзі : https://www.gov.kz/memleket/entities/abay-bilim/press/news/details/1053751?lang=kk