ЭЛЕКТР ЖЕЛІЛЕРІН ҚАЙТА ЖАҢҒЫРТУ ЖҰМЫСТАРЫ ТҰРАҚТЫ ЖҮРГІЗІЛУДЕ

Ауданда электр желілерін қайта жаңғырту жұмыстары тұрақты жүргізіліп келеді. Бұл туралы аудан әкімі Берік Сәрменбаев Өңірлік коммуникациялар қызметі алаңында өткен брифингте атап өтті.

– Бұл бағытта соңғы жылдары Айдарлы, Жетікөл, Аманкелді, Қоғалыкөл және Шаған ауылдарын электр желілерімен қайта жабдықтау жұмыстары толық аяқталды. «Ауыл – ел бесігі» бағдарламасы аясында жоба құны 490 млн. теңгеге Қалжан ахун елді мекенін электрмен жабдықтау жұмыстары өткен жылы басталып, биыл аяқталатын болады. Осы жұмыстардың нәтижесінде, тозу деңгейі 62 пайызға төмендейді.

2026 жылы жалпы құны 5,4 млрд. теңгеге Тереңөзек кенті, Нағи Ілиясов, Асқар Тоқмағанбетов және Сәкен Сейфуллин ауылдарының электр желілерін қайта жаңғыртуға жоба-сметалық құжаттар әзірленіп, бюджеттік өтінім ұсынылып, қаржыландыру күтілуде, – деді Берік Әбдіғаппарұлы.