Наурызнама мерекесі аясында 16 наурыз – Мәдениет және ұлттық дәстүрлер күніне орай Алтай ауданында «Наурыз аруы» байқауы өтті. Іс-шара ұлттық дәстүрлерді нығайту мен дамытуға, қазақ халқының мәдениетін насихаттауға, сондай-ақ қазіргі заманғы қыздардың шығармашылық әлеуеті мен сұлулығын танытуға бағытталды.
Шараның ашылуында Алтай ауданы әкімінің орынбасары Жанна Аскарова құттықтау сөз сөйледі. Ол мұндай байқаулар халықтың рухани мұрасын сақтауда маңызды рөл атқаратынын, ұлттық құндылықтар мен дәстүрлерге деген құрметті арттыруға ықпал ететінін, сондай-ақ жастарды мәдени тамырлар төңірегінде біріктіретінін атап өтті.
Байқау қорытындысы бойынша бас жүлдені Шығыс Қазақстан облысы бойынша Қылмыстық-атқару жүйесі департаментінің Алтай ауданы №1 пробация қызметінің ювеналды тобының инспекторы Дүйсенова Диана жеңіп алды. Өз сөзінде ол ұлттық дәстүрлерді сақтау және оны ұрпақтан-ұрпаққа жеткізу – халықтың мәдени болмысының маңызды бөлігі әрі әр азаматтың міндеті екенін атап өтті.
Байқауға қатысушылар ұлттық салт-дәстүрлер бойынша білімдерін, шығармашылық қабілеттерін көрсетіп, қазақ мәдениетінің дәстүрлі образдары мен элементтерін таныстырды. Мерекелік іс-шара жылы әрі достық атмосферада өтіп, көрермендерге жарқын әсер сыйлап, еліміздің бай мәдени мұрасымен мақтаныш сезімін ұялатты.
Ақпарат көзі : https://www.gov.kz/memleket/entities/vko-altai/press/news/details/1182634?lang=kk
Жауап қалдыру