Энергетика министрлігінде «AMANAT» партиясының «Бірлік» аумақтық филиалына қарасты «Энергетика» бастауыш партия ұйымының жиналысы өтті. Кездесуде ҚР Энергетика министрлігінің Аппарат басшысы, «Энергетика» бастауыш партия ұйымының төрағасы Айдын Ашуев партияның сала мен жалпы еліміздің дамуына үлес қосуға дайын, бастамашыл әрі бейжай қарамайтын азаматтарды біріктіретін алаң екенін атап өтті.
Жиын барысында партияның кәсіби және қоғамдық даму үшін ашатын мүмкіндіктеріне ерекше назар аударылды. Қатысушыларға жастарды қолдауға, өңірлерді дамытуға, инфрақұрылымды жаңғыртуға және азаматтардың өмір сүру сапасын арттыруға бағытталған жүзеге асырылып жатқан бастамалар туралы айтылды.
Мемлекет пен қоғам арасында тиімді кері байланыс орнатуға, сондай-ақ шешім қабылдау процесіне мамандарды тартуға ықпал ететін жобаларға бөлек екпін берілді.
Қатысушылар қолданыстағы бағдарламалар мен оларға қатысу форматтары туралы егжей-тегжейлі ақпарат алды. Партиялық бастамаларға қатысу идеяларды іске асыруға, кәсіби өсуге және сарапшылық өзара іс-қимылды кеңейтуге жаңа мүмкіндіктер туғызатыны атап өтілді.
Ақпарат көзі : https://www.gov.kz/memleket/entities/energo/press/news/details/1195018?lang=kk
Жауап қалдыру