Алматы облысы Мәдениет, архивтер және құжаттама басқармасына қарасты «Алатау әуендері» концерттік ұйымының құрамындағы «Құлансаз» фольклорлық-этнографиялық ансамблі 2026 жылғы 4–7 маусым аралығында Марокко Корольдігінің Фес қаласында өткен XXIX Дүниежүзілік киелі музыка фестиваліне қатысты.

Фестивальдің салтанатты ашылу рәсімінде ансамбль халықаралық сахнада өнер көрсетіп, қазақтың дәстүрлі музыкасы мен ұлттық мәдениетін таныстырды.

Мәдени іс-шараға әлемнің 40-қа жуық елінен келген өнер ұжымдары қатысып, өз елдерінің рухани және мәдени құндылықтарын көпшілік назарына ұсынды. Ансамбль мүшелері халықаралық көрерменге халқымыздың бай мәдени мұрасы мен рухани қазынасын паш етті.

Ақпарат көзі : https://www.gov.kz/memleket/entities/almobl-cultura-arhiv/press/news/details/1236977?lang=ru