2026 жылғы 17 маусымда Халықты әлеуметтік қорғау саласындағы реттеу және бақылау комитетінің төрағасы И. Скубтың төрағалығымен ZOOM платформасы арқылы «Сыбайлас жемқорлыққа қарсы заңнаманы сақтау мәселелері» тақырыбында түсіндіру жұмыстары жүргізілді.
Іс-шара барысында сыбайлас жемқорлыққа қарсы іс-қимыл саласындағы қолданыстағы заңнама талаптары жан-жақты түсіндіріліп, мемлекеттік қызметшілердің өздерінің лауазымдық міндеттерін адал, сапалы және жауапкершілікпен орындауының маңыздылығы ерекше атап өтілді. Сонымен қатар, мемлекеттік қызмет жүйесінде заңдылықты қамтамасыз ету, қызметтік өкілеттіктерді жеке мүдде үшін пайдалануға жол бермеу, сондай-ақ мемлекеттік қызметшілердің әдеп нормаларын сақтауы мәселелеріне назар аударылды.
Жиын барысында сыбайлас жемқорлық тәуекелдерінің алдын алу тетіктері, олардың туындау себептері мен салдарын болдырмау жолдары талқыланды. Қоғам алдындағы жауапкершілікті арттыру, мемлекеттік қызмет көрсету кезінде ашықтық, әділдік және жариялылық қағидаттарын сақтау, азаматтардың құқықтары мен заңды мүдделерін қорғау бағытындағы жұмыстардың маңыздылығы кеңінен сөз болды.
Сондай-ақ қатысушыларға сыбайлас жемқорлық құқық бұзушылықтарының алдын алу бойынша қабылданып жатқан шаралар, мемлекеттік органдардағы ішкі бақылау жүйесін жетілдіру, мүдделер қақтығысының алдын алу және қызметтік тәртіпті нығайту мәселелері жөнінде ақпарат берілді.
Жиын қорытындысында мемлекеттік органдарда сыбайлас жемқорлыққа қарсы мәдениетті қалыптастыру, ашықтық пен есептілікті арттыру, қызметтік әдеп талаптарын қатаң сақтау, мемлекеттік қызметтің оң имиджін қалыптастыру және халықтың мемлекеттік институттарға деген сенімін нығайту бағытындағы жұмыстарды жүйелі түрде жалғастыру қажеттігі атап өтілді. Қатысушылар сыбайлас жемқорлыққа қарсы саясатты іске асыруға белсенді атсалысып, заңнама талаптарын мүлтіксіз орындаудың маңыздылығын жеткізді.
Ақпарат көзі : https://www.gov.kz/memleket/entities/enbek-zhetysu/press/news/details/1242838?lang=ru
Жауап қалдыру