Әл-Фараби ауданы аумағында өмірлік қиын жағдайға тап болған отбасыларды анықтау мақсатында профилактикалық есепте тұрған азаматтардың тұрғылықты мекенжайларына рейдтік іс-шара жүргізілді.
Аталған іс-шараға Әл-Фараби аудандық полиция басқармасының қызметкерлерімен қатар Жастар саясаты мәселелері жөніндегі мамандар, психологтар, денсаулық сақтау саласының мамандары және «Отырар» телеарнасының түсірілім тобы қатысты.
Рейд барысында отбасылардың әлеуметтік-тұрмыстық жағдайы зерделеніп, тұрмыстық зорлық-зомбылықтың алдын алу бағытында түсіндіру жұмыстары жүргізілді. Сондай-ақ құқықтық және психологиялық кеңестер беріліп, қолдауды қажет ететін азаматтарға тиісті мекемелердің қызметтері туралы ақпарат ұсынылды.
Қауіпсіз отбасы – қауіпсіз қоғамның кепілі! Зорлық-зомбылыққа жол жоқ!
Ақпарат көзі : https://www.gov.kz/memleket/entities/mvd-shymkent/press/news/details/1261279?lang=ru
Жауап қалдыру