Астана қаласындағы №104 жайлы мектепте «Білім сапасын қамтамасыз ету» секциясының «Білім сапасын қамтамасыз етудің жаңа тәсілдері: лицензиялау, сыртқы бағалау және тиімді мемлекеттік бақылау» тақырыбында секциялық отырысы өтті.
Секция жұмысына Қазақстан Республикасы Оқу-ағарту министрлігінің Білім саласында сапаны қамтамасыз ету комитетінің аумақтық департаменттерінің лицензиялау және сыртқы бағалау бөлімдерінің басшылары қатысты.
Секция жұмысын Қазақстан Республикасы Оқу-ағарту министрлігінің Білім саласында сапаны қамтамасыз ету комитеті төрағасының орынбасары Нұрлан Габдушев ашты. Кіріспе сөзінде білім беру саласындағы мемлекеттік бақылау мен лицензиялаудың жалпы мәселелері, сондай-ақ бақылау тетіктерін жетілдіру және білім беру ұйымдарының міндетті талаптарды сақтауын қамтамасыз ету жөніндегі өзекті міндеттер қаралды.
Секция барысында 2026 жылдың бірінші жартыжылдығындағы бақылау іс-шараларының нәтижелері, жекеменшік мектептерді лицензиялау аудитінің қорытындылары, білім беру ұйымдары қызметінің сапасын сыртқы бағалау мәселелері, сондай-ақ тәуекел дәрежесін бағалау өлшемшарттары мен тексеру парақтарын жетілдіру мәселелері қаралды.
2027 жылғы 1 қаңтардан бастап мектепке дейінгі тәрбие мен оқыту ұйымдарының білім беру қызметін лицензиялауды енгізу мәселесіне ерекше назар аударылды. Қатысушыларға лицензиялауды ұйымдастырудың негізгі тәсілдері, оның ішінде кадрлық қамтамасыз етуге, материалдық-техникалық базаға, санитариялық-эпидемиологиялық және медициналық жағдайларға, өрт қауіпсіздігіне және балалардың қауіпсіздігін қамтамасыз етуге қойылатын талаптар таныстырылды.
Сондай-ақ 2026 жылғы жазғы сауықтыру науқанының қорытындысы бойынша білім беру-сауықтыру ұйымдарын лицензиялау нәтижелері қаралды. Комитеттің аумақтық департаменттерінің жүйелі жұмысы және білім беру-сауықтыру ұйымдарын лицензиялауды толық аяқтаған өңірлердің оң тәжірибесі атап өтілді.
Секция қорытындысы бойынша қатысушыларға білім беру сапасын қамтамасыз ету жүйесін одан әрі жетілдіру, мемлекеттік бақылаудың тиімділігін арттыру және лицензиялау тетіктерін дамыту жөнінде ұсынымдар берілді.
Ақпарат көзі : https://www.gov.kz/memleket/entities/control/press/news/details/1282443?lang=ru
Жауап қалдыру