Солтүстік Корея жаңа буын стратегиялық қанатты зымырандарын сынақтан өткізді, деп хабарлайды 200News Tengrinews.kz сайтына сілтеме жасап. .
Корея орталық ақпарат агенттігінің (KCNA) хабарлауынша, ұшырылымды ел басшысы Ким Чен Ын өзі бақылаған. Хабарларға қарағанда, зымырандар елдің орталық бөлігінен батыс жағалауға қарай ұшырылған. Оңтүстік Кореяның Біріккен штаб бастықтарының мәліметі бойынша, зымырандар 1500 шақырым қашықтықты еңсерді.
Бұл сынақ Дональд Трамп АҚШ президенттігіне оралғаннан кейінгі бірінші сынақ болды. Оңтүстік Корея Америка Құрама Штаттарымен әскери одақтың қолдауымен Солтүстік Корея тарапынан болатын кез келген арандатушылыққа «табанды» жауап беруге дайын екенін мәлімдеді.
«Солтүстік Корея халықаралық санкцияларға қарамастан стратегиялық қару-жарақ жасауды жалғастыруда», – деп атап өтті Оңтүстік Корея.
Бұған дейін Дональд Трамп Ким Чен Ынмен қарым-қатынасты қалпына келтіруге ниетті екенін мәлімдеген. Еске салайық, Трамптың бірінші мерзімі кезінде АҚШ пен КХДР басшылары үш кездесу өткізді, бірақ маңызды келісімдерге қол жеткізілмеді.
Тестілеу туралы қосымша ақпаратты Tengrinews.kz сайтынан алуға болады. Басқа жаңалықтарды 200.news сайтынан таба аласыз.
Жауап қалдыру