2025 жылғы су тасқыны қаупі бар кезеңге дайындық және елордада және оның агломерациясында су тасқыны қаупін азайту үшін гидротехникалық құрылыстардың жай-күйін бағалау шеңберінде Төтенше жағдайлардың алдын алу комитетінің төрағасы Серік Жүнісбеков «Астана қаласын Есіл өзенінің тасқын суларынан қорғау» объектілері мен Ақмола облысындағы Астана су қоймасына барды.
Жұмыс сапары барысында ҚР ТЖМ Төтенше жағдайларды жою департаментінің, Астана қаласы мен Ақмола облысының Төтенше жағдайлар департаменттерінің басшылығымен және ҚР СРИМ су ресурстарын реттеу, қорғау және пайдалану жөніндегі Есіл бассейндік инспекциясының өкілдерімен бірлесіп, Астана су қоймасы мен Ақмола облысының Аршалы ауданындағы Есіл, Мойылды және Мигер өзендерінен оның салаларына барып қайтты.
Сонымен қатар, Комитет төрағасы Ақмола облысының Қоянды ауылындағы көктемгі кезеңдегі төтенше жағдайларды жою барысымен танысты, сондай-ақ Есіл өзені арқылы тасқын сулардың өту қауіпсіздігін бағалау үшін Астана қаласындағы Арыс көпірін (М-3) қарап шықты.
Су тасқыны кезеңінен қауіпсіз өту мәселесі тұрақты бақылауда.
ТЖААК
Ақпарат көзі : https://www.gov.kz/memleket/entities/kpchs/press/news/details/962341?lang=kk
Жауап қалдыру