Алматыда «Қазақстандағы фармакологиялық қадағалауға 20 жыл» атты V халықаралық ғылыми-тәжірибелік мәслихаты өтті. Іс-шара клиникалық фармакология саласындағы жетекші отандық және шетелдік мамандарды, денсаулық сақтау жүйесінің ұйымдастырушыларын, ғылыми қызметкерлер, практикалық дәрігерлер, провизорлар мен фармацевтикалық компаниялардың өкілдерін жинады. Мәслихатты ҚР Клиникалық фармакологтар және фармацевтердің кәсіби қауымдастығы «Дәрілік заттар мен медициналық бұйымдарды ұлттық сараптау орталығымен», Халықаралық фармацевтикалық өндірушілер қауымдастығы және «Медициналық кәсіби өсу бірлестігі» қоғамдық ұйымымен бірлесіп ұйымдастырды.
Іс-шараның салтанатты ашылуында ДЗ мен МБ СҰО Ғылыми-білім беру орталығының басшысы, медицина ғылымдарының докторы, профессор, ҚР ҰҒА академигі Раиса Күзденбаева, ДЗ мен МБ СҰО Бас директорының орынбасары Ғабит Сейдуалиев, РФ Денсаулық сақтау министрлігінің «Ресей үздіксіз медициналық білім беру академиясының» ҚКБ ФМББМ ректоры, медицина ғылымдарының докторы, профессор, РҒА академигі Дмитрий Сычев, Қазақстан репродуктивтік медицина қауымдастығының президенті, Халықаралық репродуктология академиясының ректоры Вячеслав Локшин, «С.Д. Асфендияров атындағы ҚазҰМУ» ҒАҚ бірінші проректоры, ҚР ҰҒА академигі, медицина ғылымдарының докторы Диляра Қайдарова, Алматы қаласы бойынша ҚР ДСМ Медициналық және фармацевтикалық бақылау комитетінің басшысы Дамир Дәулетбаев және ҚР Фармацевтикалық қызметті қолдау мен дамыту қауымдастығының президенті Марина Дурманова құттықтау сөз сөйледі.
Мәслихатта қазақстандық ғалымдар да, шетелдік ғалымдар да, фармакологиялық қадағалау саласындағы мамандар фармакологиялық қадағалау жүйесінің негізгі аспектілерін, оның қазіргі замандық даму келешектерін қоса, ұлттық және ұлттық аядан тыс жолдар, дәрілік заттардың қауіпсіздігін мониторингтеу мәселелерін, фармакогенетикалық тестілеу, медициналық ұйымдардағы фармакологиялық қадағалау жүйесін ұйымдастыру, сондай-ақ фармакологияны оқыту ерекшеліктерін арқау еткен баяндамалар оқыды.
Биотехнологиялық препараттардың қауіптерін барынша азайтуға, қауіпсіздігін мониторингтеуге, жанама әсерлер туралы хабарламалар жүйесін ұйымдастыруға, антибиотиктерге аса жоғары сезімталдық мәселелеріне, сондай-ақ қабынуға қарсы стероидты емес препараттар қауіпсіздігіне ерекше назар аударылды. Фармакогенетиканы фармакологиялық қадағалау жүйесіне ықпалдастыру жөніндегі пікір-пайымдар мен даму келешектері, Қазақстанда тіркелмеген дәрілік препараттарды бақылау ерекшеліктері және ауруханалық фармация енгізу тиімділігі қарастырылды.
Раиса Күзденбаева фармакологиялық қадағалау жүйесінің дүниежүзіндегі және Қазақстандағы пайда болу және даму тарихымен, сонымен қатар оның қазіргі замандық дәрілік индустриядағы маңызы туралы егжей-тегжейлі бөлісті.
Ол Қазақстанның фармакологиялық қадағалау жүйесі соңғы жылдары елеулі табыстарға қол жеткізіп, пациенттердің қауіпсіздігін қамтамасыз етудің маңызды құралына айналғанын атап өтті. Фармакологиялық қадағалау медициналық ғылым мен тәжірибеде ерекше рөл атқарып, дәрілік заттардың жанама әсерлерін дер мезгілінде анықтауға және талдауға, қауіптерді барынша төмендетуге және емдеу қауіпсіздігін арттыруға мүмкіндік береді.
Препаратты қолдану жаңа туған сәбилерде туа біткен даму ақауларының көбеюіне әкелген 1960 жылдардағы Талидамид трагедиясының тарихи мысалы тиімді фармакологиялық қадағалаудың қаншалықты зор маңызды екенін көрсетті. Тура осы оқиға бүкіл әлемде медициналық препараттардың қауіпсіздігі мен тиімділігіне қойылатын талаптардың қатаңдануына түрткі болған нүкте болды. 1968 жылы жасалған Дүниежүзілік денсаулық сақтау ұйымының Дәрілік заттарды халықаралық мониторингтеу бағдарламасы препараттардың қауіпсіздігі туралы деректерді жаһандық жинау мен талдауда жетекші рөл атқарады. Қазақстан осы бағдарламаға 2008 жылы қосылды, бұл еліміздің дәрілік заттардың сапасын бақылау саласындағы халықаралық стандарттарға икемділігін көріністейді.
Фармакологиялық қадағалаудың қазіргі замандық даму келешегі туралы әңгімелей келе, ДЗ мен МБ СҰО Фармакологиялық қадағалау департаментінің басшысы Мәлік Әбдірахманов Қазақстанда осы халықаралық стандарттарды іске асыруды үйлестіретінін атап өтті. Ол халықаралық ұйымдар, ұлттық реттеуші органдар мен медициналық мамандар арасындағы тиімді өзара іс-қимылдың табысты фармакологиялық қадағалаудың маңызды факторы екенін де атап көрсетті.
Мәслихатқа қатысушылар фармакологиялық қадағалау тек дәрілердің қолайсыз әсерлерін анықтау мен алдын алу үшін ғана емес, сонымен қатар препараттарды ұтымды пайдалану, пациенттердің емделуге ұмтылысын арттыру және медициналық ғылымға деген қоғамдық сенімді нығайту үшін қажет деген ортақ пікірге тоғысты. Медициналық қоғамдастықтың пациенттерді болжамды қауіптерден хабарландыру үшін жауапкершілігімен жүзеге асатын фармакологиялық қадағалаудың этикалық аспектісінің де атқаратын маңызды зор.
Мәслихат медицина мен фармакологияның ғылыми және тәжірибелік салаларының арасындағы әріқарайғы өзара байланыстың өзектілігін растады. Қатысушылар талқыланған тақырыптар мен идеялардың жаңа зерттеулер мен практикалық бастамаларға негіз болатынына, бұл фармакологиялық қадағалауды дамытуға және Қазақстандағы және оның аумағынан тыс жерлердегі пациенттердің қауіпсіздік деңгейін арттыруға ықпал ететініне үміт білдірді.
Мәслихатты тәмамдай келе қатысушылар Қазақстанда фармакологиялық қадағалау жүйесін нығайту, фармакологиялық қадағалау саласында білім беру бағдарламаларын жетілдіру, дәрілік заттарды қолдану қауіптіліктерін төмендету стратегиясын әзірлеу бойынша қорытынды өкімдерді талқылады.
Ақпарат көзі : https://www.gov.kz/memleket/entities/kmfk/press/news/details/970195?lang=kk
Жауап қалдыру