Бүгін аудан әкімі Арман Абдуллаев Қабланбек ауылдық округі, Жонарқы елді мекеніндегі 200 орындық мәдениет үйі мен кітапхананың құрылыс жұмыстарының жай-күйімен танысты. Құрылыс жұмыстарын жағдайын саралай отырып, жауапты мердігер мекеме өкіліне жұмысты жүйелеп жандандыруды тапсырды.
Бүгінде, құрылыс нысанының жер жұмыстар бастау алып, қазандық қазу жұмыстары жүргізілуде. Уақытша пайдалануға арналған нысандар орналастырылуда.
Мәдениет үйі – адамға ізгілік дәнін сеуіп, өнерді сүюге тәрбиелейтін мәдени кешен. Қоғамда Мәдениет үйінің алатын орны бөлек. Ауылдарда Мәдениет үйлерін көбейту арқылы ауыл мәдениеті өркендейді. Ауыл – ұлттың қаймағы, ұйытқысы. Еліміздің даңқын асырып жүрген таланттардың көбі ауылдан шықты. Ауылдың өнері өркен жайса, қазақтың мәдениеті қанатын кең жаяды.
Сарыағаш ауданы әкімінің баспасөз қызметі
Ақпарат көзі : https://www.gov.kz/memleket/entities/turkestan-saryagash/press/news/details/973168?lang=kk
Жауап қалдыру