Кадрлық тұрақтылық – тиімділіктің кепілі
Шығыс Қазақстан облысы Полиция департаментінде бастықтың орынбасары, полиция полковнигі Серік Манаповтың төрағалығымен кадр бөлімшелерінің I тоқсандағы жұмыстың қорытындысы бойынша жедел кеңес өтті.
Кеңесте ваканттық лауазымдарды толықтыру, ҚР ІІМ-нің ведомстволық жоғары оқу орындарына оқуға түсіру, ардагерлер ұйымдарының қатысуымен идеологиялық және тәлімгерлік жұмыстарды ұйымдастыру, ұжымдардағы тәртіп пен моральдық-психологиялық ахуалдың жай-күйі қаралды.
Полиция полковнигі С.Манапов құқық қорғау жүйесінің тиімділігі тікелей кадрлық әлеуетке байланысты екенін атап өтті. Қазіргі заманның сын-қатерлерін ескере отырып, Министрлік жеке құраммен жұмысты жетілдіру бойынша, соның ішінде идеологиялық және патриоттық тәрбие беру бағытында іс-шаралар жоспарын бекітті.
Кеңес қорытындысы бойынша ішкі істер органдарының жұмыс тиімділігін арттыруға және ішкі бірлікті нығайтуға бағытталған бірқатар нақты шаралар қабылданды.
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/984748?lang=kk
Жауап қалдыру