Ұлттық спорт лигасы аясында колледж студенттері арасындағы республикалық жарыста қарағандылықтар жалпы командалық есепте екінші орынды иеленді. Түркістан қаласындағы спорттық мерекеге Қазақстанның барлық облыстарынан 2 мыңнан астам студент қатысты. Қарағанды өңірі сегіз пән бойынша таныстырылды.
Өңірлік құрамаға облыстың бес колледжінің 70 студенті енді – Қарағанды жоғары колледжі Bolashaq, жоғары политехникалық колледж және гуманитарлық колледж, сондай-ақ Саран жоғары гуманитарлық-техникалық колледжі және «Қазахмыс» корпорациясының Балқаш политехникалық колледжі.
Жарыс қорытындысы бойынша Bolashaq колледжінің командасы жасөспірімдер арасында футбол мен волейболдан үшінші орын алды.
Шахматтан төртінші орын жоғары политехникалық колледжге бұйырды.
Жеке марапатпен Bolashaq колледжінің волейбол командасының капитаны Нұрым Әшімовтың өнері атап өтілді: ол Түркістан облысы полиция департаментінің бастығынан алғыс хат алды.
Bolashaq КБК дене шынықтыру пәнінің оқытушысы Сапарбек Мықтыбеков командалық есепте екінші орын студенттерге оңай түспегенін атап өтті.
– Күрес өте қызу болды: еліміздің ең мықты 20 командасы бақ сынасты. Біздің балаларға алғашқы күннен бастап жаңа жағдайларға бейімделіп, бірден алаңға шығуға тура келді. Соған қарамастан, олар лайықты өнер көрсетті, – дейді Сапарбек Мықтыбеков. – Біз осындай жетістікке жеткенімізді мақтан тұтамыз, бірақ қол жеткізілген нәтижемен тоқтамаймыз. Келесі жылы одан да жақсы өнер көрсететінімізге сенімдімін.
Жарыстың басты мақсаты – бұқаралық студенттік спортты дамыту, өңірлер арасындағы байланыстарды нығайту және тәжірибе алмасу.
Ақпарат көзі : https://www.gov.kz/memleket/entities/karaganda/press/news/details/980853?lang=kk
Жауап қалдыру