Алматы қаласы Энергетика және сумен жабдықтау басқармасында мемлекеттік қызметшілердің Әдеп кодексін және сыбайлас жемқорлыққа қарсы заңнаманы сақтау мәселелеріне арналған семинар өтті. Іс-шараға Алматы қаласы әкімі аппаратының әдеп жөніндегі уәкілі, қала әкімі кеңесшісі Ахетов Мамай Қаниұлы, ҚР Мемлекеттік қызмет істері агенттігінің Алматы қаласы бойынша департаменті басқармасының басшысы Узбеханов Нұржан Болатбекұлы, сондай-ақ «Алматы – адалдық алаңы» жобалық кеңсесінің жетекшісі Қалимолдин Марат Мәутенұлы қатысты.
Семинар барысында мемлекеттік қызмет тәжірибесінен алынған нақты жағдайлар қарастырылып, этикалық нормалар мен сыбайлас жемқорлыққа қарсы талаптарды бұзудың салдары нақты мысалдармен көрсетілді. Спикерлер Әдеп кодексінің негізгі ережелерін түсіндіріп, әрбір қызметкердің ашықтық, адалдық және парасаттылық қағидаттарын сақтау бойынша дербес жауапкершілігін атап өтті, сондай-ақ қатысушылардың өзекті мәселелер бойынша сұрақтарына жауап берді.
Мемлекеттік органдарда адал және ашық корпоративтік мәдениетті қалыптастыруға ерекше назар аударылды. Іс-шара барысында сөз сөйлегендер мемлекеттік қызметшілердің құқықтық және этикалық сауаттылығын жүйелі түрде арттырудың маңыздылығын атап өтті, бұл – халықпен тиімді әрі сенімді қарым-қатынасты орнатудың басты шарты.
Ақпарат көзі : https://www.gov.kz/memleket/entities/almaty-energy/press/news/details/979456?lang=kk
Жауап қалдыру