Алда демалыс күндері, және көпшілік оны табиғат аясында өткізуді жоспарлап отыр. Пикник — демалудың және жылы ауа райының рақатын көрудің тамаша тәсілі. Бірақ жақсы уақыт өткізу денсаулыққа зиян келтірмеу үшін қарапайым, бірақ маңызды қауіпсіздік ережелерін сақтау қажет.
Өнімдерді тек тұрақты дүкендерден немесе тексерілген сауда орындарынан сатып алыңыз. Кездейсоқ базарлардан аулақ болыңыз: құжатсыз және дұрыс сақталмаған ет пен басқа да өнімдер денсаулыққа үлкен қауіп төндіруі мүмкін.Тез бұзылатын өнімдерден бас тартыңыз. Табиғатқа сүт өнімдерін, тұздалған тағамдарды, қақталған етті, жұмыртқаны және крем қосылған кондитерлік тағамдарды алып шықпаңыз — олар дұрыс сақталмаған жағдайда жұқпалы аурулардың көзіне айналады.Шикі және дайын өнімдерге бөлек пышақтар мен кесу тақтайшаларын пайдаланыңыз. Шикі еттің, балықтың немесе құстың шырыны дайын тағаммен, әсіресе жеміс-жидек, көкөніс және салаттармен жанаспау керек.Тағамды жабық контейнерлерде немесе орамаларда сақтаңыз. Бұл өнімдерді инфекция тасымалдаушы жәндіктер мен кеміргіштерден қорғайды.Жеке гигиенаны сақтаңыз. Тағам дайындау және тамақтанар алдында қолыңызды сабынмен жуыңыз. Су болмаған жағдайда антисептик немесе дымқыл майлықтарды қолданыңыз.Көкөністер мен жемістерді тек бөтелкедегі немесе қайнатылған сумен жуыңыз. Бұл ереже ауызсу мен тағам дайындауға арналған суға да қатысты.Пикник тек қуаныш сыйласын! Қауіпсіз демалыс — бұл оңай, тек қарапайым, бірақ маңызды ережелерді сақтау жеткілікті.
Ақпарат көзі : https://www.gov.kz/memleket/entities/departament-kkbtu-akmolinsk/press/news/details/991532?lang=kk
Жауап қалдыру