Солтүстік Қазақстан облысында волонтерлік қозғалыс қоғамдық даму және ақпарат орталығы жанында жұмыс істейтін волонтерліктің өңірлік фронт-офисінің базасында белсенді дамуда. Аудандарда жұмысты үйлестіру үшін 10 000-нан астам еріктілерді біріктіретін 14 еріктілер клубы жұмыс істейді. 2025 жылдың басынан бері әлеуметтік, экологиялық, медициналық, IT – және археологиялық волонтерліктің 18 бағыты бойынша 900-ден астам іс-шара өткізілді. Мемлекеттік қолдау шеңберінде 28 млн теңге сомасына жобалар іске асырылуда, Волонтерлік қозғалыстың әлеуетін нығайтуға бағытталған диалог алаңдары мен тренингтер үнемі өткізіліп тұрады.
ТЖ және экологиялық қауіпсіздік жөніндегі іс-шараларға ерекше назар аударылады. Еріктілер су тасқынына қарсы рейдтерге қатысады, халыққа көмектеседі, өрт қауіпсіздігі ережелері туралы әңгімелер жүргізеді және бейінді қызметтермен оқу-жаттығуларға қатысады. Сондай-ақ, “Taza Álem” және “Таза Қазақстан” жобалары аясында еріктілер сенбіліктер, экологиялық акциялар өткізеді және халықты қоқысты сұрыптауға үйретеді. Күміс еріктілер зейнеткерлер мен мүгедектерге күнделікті өмірде көмектесу, сондай-ақ патриоттық және мәдени шараларға қатысу арқылы айтарлықтай үлес қосады.
Еріктілер әлеуметтік және білім беру бастамаларына белсенді қатысады: еріктілік сабақтары, заңгерлік және психологиялық кеңестер, ерекше қажеттіліктері бар балалармен сабақтар өтеді. Қан тапсыру, аз қамтылғандарды қолдау, жануарлармен жұмыс бойынша акциялар өткізіледі. Еріктілік Жастар мен жалпы халық арасында өзара көмек пен азаматтық жауапкершілік мәдениетін қалыптастыра отырып, аймақтың қоғамдық өмірінің ажырамас бөлігіне айналды.
Ақпарат көзі : https://www.gov.kz/memleket/entities/sko-sayasat/press/news/details/991590?lang=kk
Жауап қалдыру