Қабанбай ауылында Ұлы Отан соғысының 80 жылдығына арналған салтанатты шара өтті

Қабанбай ауылында Ұлы Отан соғысының 80 жылдығына арналған салтанатты шара өтті

Қабанбай ауылында Ұлы Отан соғысының 80 жылдығына арналған «Теңдесі жоқ, тарихи жеңіс» атты салтанатты жиын жоғары деңгейде аталып өтті. Бұл маңызды шараға ауыл тұрғындары, соғыс және тыл ардагерлері, мектеп ұжымдары мен мекеме қызметкерлері белсене қатысты.

Салтанатты жиын Ұлы Отан соғысы құрбандарына арналған ескерткішке гүл шоқтарын қою рәсімінен басталды. Қатысушылар бір минут үнсіздікпен майданда қаза тапқандардың рухына тағзым етті. Ауыл әкімі мен ардагерлер жүрекжарды сөз сөйлеп, елге бейбіт өмір сыйлаған батырлар ерлігіне ерекше тоқталды.

Шара мәдениет үйінің концерттік бағдарламасымен жалғасын тапты. Әскери әндер шырқалып, балалар шығармашылық орталығының үйірме тәрбиеленушілері мерекелік би қойылымдарын ұсынды. Сонымен қатар, Мағжан Жұмабаев атындағы орта мектептің «Айбын» әскери патриоттық тобы саптық-defile көрсетіп, көрермендер қошеметіне бөленді.

«Теңдесі жоқ, тарихи жеңіс» атты жиын – ұрпақтар сабақтастығын ұлықтап, ел мен жердің амандығы үшін жанын қиған батырларды ұмытпауға үндейтін тағылымды шара болды.

Ақпарат көзі : https://www.gov.kz/memleket/entities/zhetysu-alakol-kabanbai/press/news/details/993180?lang=kk