Құрметті ақтөбеліктер!
Ұлы Отан соғысындағы Жеңістің 80 жылдығы құтты болсын!
Жеңістің 80 жылдығы – бұл тек соғыста шайқасқан батырларымызды ғана емес, тылда еңбек еткен ата-әжелерімізді де еске алатын күн. Сол кездің қиындықтары мен халықтың бірлігі – бізге үлкен сабақ. Өкінішке қарай, жыл өткен сайын ардагерлердің қатары сиреп келеді. Сондықтан оларға құрмет көрсетіп, ерліктерін насихаттау – біздің міндетіміз.
Ұлы Жеңістің 80 жылдығы – бұл өткенге тағзым етіп, болашақ үшін бейбітшілікті сақтау қажеттігін түсінетін маңызды дата. Ардагерлердің ерлігі, тарихтың сабағы және ұлттық бірлік – осы мерекенің басты мәні болып қала береді.
Сондықтан бұл мерекеде майдангерлердің рухына тағзым етіп, олардың Отанды қорғаудағы ерліктерін еске алуымыз керек. Елімізде енді соғыс болмасын! Дарқан даламызда әрдайым тұрақтылық пен бейбітшілік болсын! Мереке құтты болсын!
Игі тілекпен, облыстық мәслихат төрағасы Гүлқасима Сүйінтаева
Ақпарат көзі : https://www.gov.kz/memleket/entities/maslihat-aktobe-district/press/news/details/993338?lang=kk
Жауап қалдыру