Қазақстан Республикасы Үкіметінің 2021 жылғы 29 қазандағы №778 қаулысына және Қазақстан Республикасы Кәсіпкерлік кодексінің 79-4 – бабына сәйкес Қазақстан Республикасы Ұлттық экономика министрлігі (бұдан әрі – ҰЭМ) Әлеуметтік кәсіпкерлік субъектілерінің тізілімін (бұдан әрі – Тізілім) жүргізеді.
Жеке кәсіпкерді немесе заңды тұлғаны Тізілімге қосуға өтініштерді (бұдан әрі – өтініш) қабылдау тоқсан сайын күнтізбелік тоқсанның алдындағы айдың 1-ден 15-не дейін жүзеге асырылады.
Тізілімді жүргізу қағидаларының (ҚР 2023 жылғы 17 шілдедегі №140) 3 – тармағына (бұдан әрі – Қағидалар) сәйкес Тізілімді қалыптастыруды және жүргізуді жеке кәсіпкерлер мен заңды тұлғаларды (ірі кәсіпкерлік субъектілерін қоспағанда) Тізілімге қосу мәселелерін қарау жөніндегі арнайы комиссияның (бұдан әрі – Арнайы комиссия) өтініштерді қарау қорытындылары бойынша облыстардың жергілікті атқарушы органдары ұсынған мәліметтер негізінде ҰЭМ жүзеге асырады.
Сонымен қатар, Қағидалардың 11-тармағына сәйкес өтініштерді қабылдау жеке кәсіпкердің немесе заңды тұлғаның тіркелген жері (заңды мекенжайы) бойынша елді мекенде жүзеге асырылады. Кезекті қабылдау 2024 жылғы 1-15 маусым аралығында жүзеге асырылады.
Анықтама телефоны: 22-1-70
“Қамысты ауданы әкімдігінің кәсіпкерлік бөлімі” ММ
Ақпарат көзі : https://www.gov.kz/memleket/entities/kostanai-kamysty-arka/press/news/details/997645?lang=kk
Жауап қалдыру