Жиын барысында Тоқтамыс Жұмағұлов Президенттік жастар кадр резервінің мақсаты – ел болашағын жауапкершілікпен арқалай алатын білімді, білікті әрі бастамашыл жастарды мемлекеттік басқару жүйесіне тарту екенін атап өтті.
– 2019, 2021 және 2023 жылы президенттік жастар кадр резервіне іріктеу жүргізілген болатын. Биыл 4-ші жастар кадр резервін жасақтауға жұмыстанып жатырмыз. Резервке енгендер үшін мансаптық өсуге жол ашылады. Қазіргі таңда резервке кірген жастардың 80%-ы жауапты лауазымдарға тағайындалды, – деді Тоқтамыс Жұмағұлов.
Айта кетейік Президенттік жастар кадр резервіне 35 жастан аспаған, жоғары білімі бар, кемінде 5 жыл еңбек өтілі бар, қазақ тілін В1 деңгейінен төмен емес меңгерген азаматтар қатыса алады. Іріктеу бірнеше кезеңнен тұрады: құжат қабылдау, тестілеу, қабілетті бағалау, сараптамалық комиссияның сұхбаты және финалдық қорытынды. Құжаттарды қабылдау 2025 жылдың 1 маусымы мен 30 маусымы аралығында жүргізіледі.
Жиын соңында мемлекеттік қызметкерлер жобаның талаптары бойынша сұрақтарын қойып, тың ақпарат алды. Жастарға арналған бұл мүмкіндік үлкен маңызды қадам екенін жасырмады.
Ақпарат көзі : https://www.gov.kz/memleket/entities/akimat-goroda-aktau/press/news/details/1010853?lang=kk
Жауап қалдыру