Батыс Қазақстан облысы бойынша Сыбайлас жемқорлыққа қарсы қызмет ғимаратында «Заң және тәртіп» қағидатын іске асыруға орайластырылған көшпелі кітап көрмесі өтті.
«Сыбайлас жемқорлыққа қарсы іс – қимыл-ел қауіпсіздігінің нышаны» атты іс-шара Жұбан Молдағалиев атындағы Батыс Қазақстан облыстық ғылыми-әмбебап кітапханасының қолдауымен ұйымдастырылды.
Көрменің негізгі мақсаты департамент қызметкерлері арасында құқықтық мәдениет пен сыбайлас жемқорлыққа қарсы хабардарлықты арттыру болды. Ұйымдастырушылар адалдық, ашықтық және әділдік құндылықтарын нығайтуға, сондай-ақ тұрақты құқықтық сауаттылықты қалыптастыруға ықпал етуге ұмтылды.
Көрме белсенді азаматтық ұстанымды дамытуға және тұрақты қоғамдық дамудың негізгі шарты ретінде сыбайлас жемқорлыққа қарсы іс-қимылдың маңыздылығын түсінуге елеулі үлес болды.
Қызметкерлер сыбайлас жемқорлыққа қарсы саясаттың әртүрлі аспектілерін қамтитын көптеген материалдармен таныса алды. Экспонаттар арасында Қазақстан Республикасының нормативтік-құқықтық актілері, ғылыми зерттеулер, сондай-ақ сыбайлас жемқорлыққа қарсы күрестегі халықаралық тәжірибеге арналған басылымдар бар.
Сыбайлас жемқорлыққа қарсы қызметтің негізгі тәсілдері мен тиімді тәжірибелері ұсынылған жадынамалар мен брошюралар ерекше назар аударды.
Көрме мемлекеттік институттарды нығайтуға және сыбайлас жемқорлықтан азат қоғамды қалыптастыруға күш біріктіру қажеттігін атап өтті.
Өз кезегінде Департамент қызметкерлері заңдылық пен құқықтық тәртіп қағидаттарын қатаң ұстануға бел буып, құқықтық мемлекет мұраттарына берілгендігін және өздерінің кәсіби қызметінде адалдық пен әділдікті нығайту жөніндегі жұмысты жалғастыруға дайын екендіктерін көрсетті.
#Заң_мен_Тәртіп
#ЗАҢменТӘРТІП
Ақпарат көзі : https://www.gov.kz/memleket/entities/anticorruption-bko/press/news/details/1004938?lang=kk
Жауап қалдыру