2025 жылғы 15 шілдеде арнайы әлеуметтік қызмет көрсету орталықтарының қызметіне мониторинг жүргізу аясында Қостанай облысы әкімдігі жұмыспен қамтуды үйлестіру және әлеуметтік бағдарламалар басқармасының «Қостанай арнаулы әлеуметтік қызмет көрсету орталығы» КММ – не бару жүзеге асырылды.
Мониторингтік топ құрамына Қостанай облысы әкімінің кеңесшісі Дабылов А.Ж., Қазақстан Республикасындағы Адам құқықтары жөніндегі уәкілдің Қостанай облысы бойынша өкілі Шакирбаев М.С., сондай-ақ жұмыспен қамтуды үйлестіру және әлеуметтік бағдарламалар басқармасының мамандары кірді.
Мониторинг барысында топ мүшелері қызмет алушылардың тұрмыс жағдайымен, мекеменің материалдық-техникалық базасымен танысып, арнайы әлеуметтік қызмет көрсету стандарттарының сақталуын саралады. Ерекше назар қызмет алушылардың құқықтарының қамтамасыз етілуіне, медициналық көмектің қолжетімділігіне және бос уақытты ұйымдастыру мәселелеріне аударылды.
Ақпарат көзі : https://www.gov.kz/memleket/entities/kostanai-zhumys-aleumettik-korgau/press/news/details/1035376?lang=kk
Жауап қалдыру