Қазақстанда денсаулық сақтаудағы цифрлық құралдарды масштабтау жалғасуда.
2025 жылдың бірінші жартыжылдығында ел халқына 1,8 миллионға жуық қашықтықтан медициналық қызмет көрсетілді, бұл жалпы санның 8,35%-ын құрайды, деп хабарлады бүгін Денсаулық сақтау вице-министрі Ербол Оспанов ведомство алқасында.
Пациенттерді сәйкестендірудің цифрлық құралдарын қолдануды масштабтау шеңберінде ел бойынша медициналық ұйымдардың 80%-ы қажетті веб-камералармен қамтамасыз етілген.
Цифрлық сәйкестендіруден өткен пациенттердің үлесі 79%-ға дейін өсті.
Сондай-ақ, «Әлеуметтік әмиян» арқылы дәрі-дәрмектермен қамтамасыз ету жұмыстары жалғасуда, жыл басынан бері 6 айда дәрі-дәрмектерге жіберілген рецептілердің 76,3%-ы қамтамасыз етілді, деп атап өтті Е.Оспанов.
Цифрландыруды арттыру жөніндегі жұмыс шеңберінде денсаулық сақтау басқармаларының басшыларына медициналық ұйымдарды веб-камералармен жарақтандыру жөніндегі жұмыстардың аяқталуын қамтамасыз ету, пациенттерді цифрлық сәйкестендіруге толық көшуді қамтамасыз ету, «Әлеуметтік әмиян» арқылы дәрілік заттарды қамтамасыз ету жөніндегі шараларды күшейту тапсырылды.
Ақпарат көзі : https://www.gov.kz/memleket/entities/dsm/press/news/details/1037094?lang=kk
Жауап қалдыру