Мамлютка қаласында Татар халық мерекесі — Сабантуй-2025 өтті.
Жарқын және әсем іс-шара аудан мен облыстың түрлі этномәдени бірлестіктерінің өкілдерін біріктірді.
Мерекеге қатысушылар мен қонақтарға Мамлют ауданының әкімі Елена Федоровна Степаненко жылы лебізін білдіріп, баршаға зор денсаулық, амандық және мәдени дәстүрлердің сақталуын тіледі.
Сондай-ақ, “Дуслык “Солтүстік Қазақстан татар-башқұрт қоғамдық орталығы” ҚБ төрағасы Наиль Кадырович Абраев халықтық әдет-ғұрыптар мен мәдениетті қолдайтын және дамытатындардың барлығына алғысын білдіріп, құттықтау сөз сөйледі.
Мерекелік бағдарламаға облыстық Қазақстан халқы Ассамблеясының шығармашылық ұжымдары қатысты. Татарстан Республикасының қонағы — еңбек сіңірген әртіс Максуд Юлдашевтің жарқын қойылымы көрермендердің көңілінен шығып, би алаңын жандандырды.
“Дуслык” татар орталығы қонақжайлылықтың нағыз символына айналған дәстүрлі бес метрлік бәлішімен барлығын қуантты.
Мамлют ауданының этномәдени бірлестіктері іс-шараның барлық қонақтары үшін көрмелер, ұлттық тағамдар мен интерактивті аймақтар ұйымдастырды.
Сабантуй-2025 бірліктің, халықтар достығының және тарихи-мәдени мұраға ұқыпты қараудың жарқын үлгісі болды.
Ақпарат көзі : https://www.gov.kz/memleket/entities/ovp-mamlyut/press/news/details/1043971?lang=kk
Жауап қалдыру