«Гүлденген гарнизон» байқауы Жамбыл облысының құтқарушыларын аумақты абаттандыруға шығармашылық тұрғыдан қарауға шабыттандыруда. Биыл бұл бастама Қазақстан Республикасы Төтенше жағдайлар министрлігінің 30 жылдығы аясында өтіп, ұжымдарды ортақ іске біріктіруге жақсы мүмкіндік болды. Қатысушылар қатарында – Тараз қаласындағы Халық қаһарманы М. Аймановтың есімімен аталған №2 мамандандырылған өрт сөндіру бөлімінің қызметкерлері де бар. Олар байқауға белсенді түрде қатысып, бөлімше аумағында ұқыпты гүлзарлар мен жаңа гүл композициялары пайда болды. Мұндай бастамалар гарнизонды көркейтіп қана қоймай, көңіл-күйді көтереді, ортақ кеңістікке деген жауапкершілікті қалыптастырады және құтқарушылар арасындағы бірлікті нығайтады.
Жамбыл облысы ТЖД
Ақпарат көзі : https://www.gov.kz/memleket/entities/emer-zhambyl/press/news/details/1046662?lang=kk
Жауап қалдыру