Қазақстан Республикасының Конституциясы күніне орай елордада «Jastar Talks» жобасы аясында жастармен ерекше кездесу өткізілді, деп хабарлайды Астана қаласы әкімдігінің ресми сайты.
Іс-шараның мақсаты – жастардың азаматтық белсенділігін арттыру, Конституцияның қоғамдағы, мемлекеттегі және әрбір азаматтың өміріндегі маңызын түсіндіру, заңға құрмет пен құқықтық сауаттылықты дамыту, сондай-ақ жастардың жеке және кәсіби дамуына қолдау көрсету.
Спикер ретінде заң ғылымдарының кандидаты, Maqsut Narikbayev University-дің Professor Emeritus Жаннетта Қалишева сөз сөйледі.
Кездесу барысында қатысушылар еркін форматта пікір алмасып, өзекті мәселелерді талқылады, ой бөлісті және құнды білім алды. Ерекше көңіл жастардың рухани-адамгершілік және патриоттық тәрбиесіне, ел болашағына деген жауапкершілік пен белсенділік сезімін қалыптастыруға бөлінді.
«Jastar Talks» – жастарға арналған мотивациялық әрі танымдық кездесулердің ашық платформасы.
Ақпарат көзі : https://www.gov.kz/memleket/entities/astana/press/news/details/1059123?lang=kk
Жауап қалдыру