Интернет алаяқтық қылмыстарының алдын алу мақсатында Түркістан облысы аумағында тұрғындар арасында кең көлемді профилактикалық жұмыстар жүргізілуде. Полиция департаментінің басшысы Арыстанғани Заппаровтың тапсырмасымен полицейлер әрбір үйді аралап жеке -жеке түсіндіру жұмыстарын жүргізуде.
Мәселен, бүгінгі күнге дейін 150 мыңға жуық үйдегі 500 000-нан аса тұрғынға алаяқтық қылмысы түсіндірілді. Сонымен қатар арнайы дайындалған ескерту жадынамалары беріліп, құқықтық кеңестер айтылды.
Осылайша полицейлер өзекті болып отырған алаяқтық қылмысын болдырмау мақсатында әрбір тұрғынға жеткізу үшін бетпе-бет түсіндіру жұмыстарын жалғастыра бермек.
Ақпарат көзі : https://www.gov.kz/memleket/entities/mvd-turkistan/press/news/details/1179056?lang=kk
Жауап қалдыру