Көрісу күні / Амал мерекесі — қазақ халқының көне дәстүрлі мерекелерінің бірі. Бұл мереке жыл сайын 14 наурызда атап өтіледі және көктемнің келуін, жаңа жылдың басталуын білдіреді.
Бұл күні адамдар бір-бірімен көрісіп, қол алысып, құшақтасып амандасады. Туған-туыстар, көршілер бір-бірінің үйіне барып, «Бір жасыңмен!», «Амал құтты болсын!» деп жақсы тілектер айтады. Жастар үлкендерге арнайы барып сәлем беріп, олардың батасын алады.
Үйлерде дастархан жайылып, қонақтар күтіледі. Дастарханға ұлттық тағамдар, соның ішінде бауырсақ, қазы және наурыз көже қойылады.
Бұл мереке адамдарды татулыққа, сыйластыққа және бірлікке шақырады. Сондай-ақ ол ұлыстың ұлы күні — Наурыз мерекесінің бастамасы болып саналады.
Ақпарат көзі : https://www.gov.kz/memleket/entities/zhetysu-finance/press/news/details/1180790?lang=kk
Жауап қалдыру