Сіздерді береке мен бірліктің, татулық пен түсіністіктің, ізгілік пен жаңарудың жаршысы болған көктемнің шуақты – Амал мерекесімен шын жүректен құттықтаймын!
Амал – халқымыздың ғасырлар бойы сақталып келе жатқан тағылымды дәстүрі мен ұлттық құндылықтарының айқын көрінісі. Бұл күні ағайын-туыс, көрші-қолаң бір-бірімен қауышып, төс қағыстырып көрісіп, ақжарма тілектерін арнайды. Көрісу күні – адамдарды жақындастырып, өкпе-ренішті ұмытып, сыйластық пен мейірімділікті дәріптейтін ерекше мейрам.
Жасампаздықтың бастауы саналатын бұл мереке әр шаңыраққа құт-береке әкеліп, еліміздің өсіп-өркендеуіне, халқымыздың амандығы мен бірлігінің арта түсуіне жол ашсын.
Баршаңызға зор денсаулық, отбастарыңызға бақ-береке, ырыс пен молшылық тілеймін. Еліміз тыныш, жұртымыз аман болып, Амалдан амалға аман-есен жете берейік!
Құрметпен,
Ақтау қаласының әкімі
Әбілқайыр Байпақов
Ақпарат көзі : https://www.gov.kz/memleket/entities/akimat-goroda-aktau/press/news/details/1182479?lang=kk
Жауап қалдыру