Еліміздің бірлігі мен бауырмалдығын дәріптейтін асыл дәстүріміздің бірі – Амал мерекесі. Осыған орай бүгін 14 наурыз – Амал мерекесі қарсаңында ауданымыздың орталық алаңында мерекелік мәдени шара ұйымдастырылды. Тағылымды шара театрландырылған қойылыммен басталып, концерттік бағдарламамен жалғасын тапты.
Бұл мейрам – қыстан аман шығып, ағайын-туыс, көрші-көлеммен қауышып, ақжарма тілектер айтылатын ерекше мереке. Сондықтан тағылымды шарада мейрамның маңызы зор екені ерекше атап өтілді. Сондай-ақ халықтың бір-бірімен көрісіп, амандық сұрасып, татулық пен бауырмалдықты дәріптейтін көрініс те көрсетілді. Мерекелік шара аудан өнерпаздарының концерттік бағдарламасына ұласып, ән мен жырдан шашу шашылды.
Қармақшы ауданы әкімінің баспасөз қызметі
Ақпарат көзі : https://www.gov.kz/memleket/entities/digital-nauryz/press/news/details/1185423?lang=kk
Жауап қалдыру