Астанада жаратылыстану-математикалық бағыттағы биология және физика пәндері бойынша жалпы білім беретін пәндерден 9-11 (12) сынып оқушыларына арналған республикалық олимпиаданың қорытынды кезеңі басталды.
Бұл кезеңге республика өңірлерінен 311 оқушы қатысады:
* биология пәні бойынша – 153 қатысушы;
* физика пәні бойынша – 158 қатысушы.
Олимпиада барысында қатысушылар теориялық және тәжірибелік тапсырмаларды орындап, ғылыми ойлау қабілеттерін, зерттеушілік дағдыларын және пәндік білім деңгейін көрсетеді.
Зияткерлік сайыстың негізгі мақсаты – дарынды оқушыларды анықтау, олардың ғылыми әлеуетін дамыту және халықаралық олимпиадаларға дайындалатын ұлттық құраманы қалыптастыру.
Пәндік олимпиада қорытындысы бойынша үздік нәтиже көрсеткен оқушылар ұлттық олимпиадалық резерв құрамына қабылданып, еліміздің намысын халықаралық білім додаларында қорғауға мүмкіндік алады.
Ақпарат көзі : https://www.gov.kz/memleket/entities/kdso/press/news/details/1186497?lang=kk
Жауап қалдыру