Шығыс Қазақстан облысының техникалық университетінде Ғылым апталығы аясында «Жасыл технологиялар және автоиндустриядағы тұрақты даму: шекарасыз серіктестік» тақырыбында дөңгелек үстел өтті. Іс-шара «Гибридті және электр көлік құралдарының технологиялары» атты онлайн-дәрістер циклі аясында ұйымдастырылды.
Дәрістер циклінің негізгі спикері Hyundai Nishat Motor компаниясының компоненттер сапасы бөлімінің басшысы Syed Waqar Ul Hassan Gilani болды. Онлайн-дәрістер барысында қатысушылар гибридті және электр көліктерін дамытудағы заманауи үрдістер бойынша жүйелі білім алды. Әсіресе күштік қондырғылар архитектурасына, энергияны сақтау технологияларына және зарядтау инфрақұрылымын дамытуға ерекше назар аударылды.
Дөңгелек үстел автомобиль өнеркәсібінде «жасыл» технологияларды енгізудің өзекті мәселелерін, тұрақты даму перспективаларын, сондай-ақ ғылым, білім беру және индустрия арасындағы халықаралық ынтымақтастықты кеңейтуді талқылауға арналған алаңға айналды.
Іс-шараға машина жасау, көлік техникасы мен технологиялары, тасымалды ұйымдастыру және көлікті пайдалану, пайдалы қазбаларды байыту және металлургия білім беру бағдарламаларының оқытушылары, студенттері, магистранттары мен докторанттары қатысты.
Дәрістер циклі онлайн форматта өтіп, қатысушылар тарапынан жоғары қызығушылық тудырды. Дөңгелек үстел қорытындысы бойынша профессор-оқытушылар құрамына қатысқаны және біліктілігін арттырғаны үшін сертификаттар табысталды.
Ақпарат көзі : https://www.gov.kz/memleket/entities/akimvko/press/news/details/1196837?lang=kk
Жауап қалдыру