Ақтөбе облысының санитариялық-эпидемиологиялық бақылау департаменті облыстық денсаулық сақтау басқармасы және Ақтөбе обаға қарсы күрес станциясы Ырғыз ауданы емдеу-профилактикалық мекемелерінің қызметкерлеріне және Ырғыз СЭБ басқармасы мамандарына Оба, Конго-Қырым геморрагиялық қызбасы, туляремия ауруларының эпидемиология, эпизоотиялық жағдайы, клиникасы, диагностикасы, емдеу және алдын алу шаралары тақырыбына арналған семинар өткізді. Семнардың мақсаты – аса қауіпті жұқпалы аурулардың алдын алуға дайындықты арттыру.
Семинар аясында Ырғыз аудандық ауруханасының негізінде, бірлесіп әрекет ететін қызметтер мен БАҚ өкілдерінің қатысуымен аудандағы емдеу-профилактикалық мекемелерінің қызметкерлеріне бейнетаспа көрсетіліп, «Оба ауруы тіркелген жағдайда қызметтердің өзара араласу тактикасы» жаттығу сабағы өткізілді.
Оқу-жаттығу сабағының басты мақсаты – санитариялық-эпидемиологиялық қызмет, емдеу және басқа да сала мекемелерінің аса қауіпті оба ауруына күдікті науқас анықталғанда атқаратын шұғыл іс-шараларын пысықтау болып табылады.
Ақпарат көзі : https://www.gov.kz/memleket/entities/departament-kkbtu-aktobe/press/news/details/1198442?lang=kk
Жауап қалдыру