Мұнайлы ауданында аудан әкімдігі аппаратының жанынан құрылған, өмірде қиын жағдайға тап болған адамдарды (отбасыларды) ерте анықтау және алдын алу жөніндегі мобильдік топтың кезекті отырысы өтеді.
Аталған іс-шараға бөлімнің отбасылық-тұрмыстық зорлық-зомбылықтың алдын алу және оған қарсы іс-қимыл жасау тобының қызметкерлері қатысады.
Отырыс барысында:
🔹 Қазақстан Республикасындағы 2030 жылға дейінгі отбасылық және гендерлік саясат тұжырымдамасының мақсатты индикаторларына қол жеткізу, сондай-ақ «FMS Social» цифрлық платформасы арқылы атқарылған жұмыстар
🔹 аз қамтылған отбасылардан шыққан балаларды спорт секцияларымен және мәдени үйірмелермен барынша қамту бойынша жүргізілген жұмыстар
🔹 әйелдер арасындағы жұмыссыздық деңгейі және жұмыспен қамту бағытында атқарылған іс-шаралар
🔹 тұрмыстық зорлық-зомбылықтың алдын алу шаралары
🔹 әлеуметтік қолдауды қажет ететін отбасыларды ерте анықтау
🔹 ведомствоаралық өзара іс-қимылды күшейту
🔹 проблемалық жағдайларды шешу жолдары талқыланады
Іс-шараның мақсаты – халықтың әлеуметтік әл-ауқатын жақсарту, қиын жағдайға тап болған азаматтарға дер кезінде көмек көрсету және құқық бұзушылықтардың алдын алу.
https://www.instagram.com/reel/DXwMmA9sVzh/?utm_source=ig_web_copy_link&igsh=MzRlODBiNWFlZA==
Ақпарат көзі : https://www.gov.kz/memleket/entities/mvd-mangystau/press/news/details/1212692?lang=kk
Жауап қалдыру