Білім беру ұйымдары директорлар кеңесінің кеңейтілген отырысы

Білім беру ұйымдары директорлар кеңесінің кеңейтілген отырысы

2026 жылғы 30 сәуірде С. Мұқанов атындағы Тимирязев жалпы білім беретін мектеп-гимназиясының базасында білім беру ұйымдары директорлар Кеңесінің кеңейтілген отырысы өтті.

Жиынға Техникалық және кәсіптік білім беру басқармасы басшысының орынбасары А.Е. Абдрахманов пен аудан әкімінің әлеуметтік мәселелер жөніндегі орынбасары М.М. Жұмабаева қатысты.

Күн тәртібіндегі негізгі мәселелер:

Отырыс барысында ауданның білім беру жүйесін дамытудың өзекті мәселелері қарастырылды:

• Білім сапасын талдау: 2025-2026 оқу жылының I жартыжылдығы бойынша білім сапасына салыстырмалы талдау жасау.

• Оқу-тәрбие үрдісі: 2025-2026 оқу жылындағы мектептердің оқу-тәрбие жұмысын ұйымдастыру барысы.

• Тәрбие жұмысы: «Адал азамат» бағдарламасының іске асырылуы.

• Психологиялық қолдау: Ауданның білім беру ұйымдарындағы психологиялық-педагогикалық сүйемелдеу қызметінің жұмысы.

• Қауіпсіздік және демалыс: Білім беру мекемелеріндегі қауіпсіздік шараларының жай-күйі және оқушылардың жазғы демалысын ұйымдастыру.