2026 жылғы 15 мамырда Өскемен қаласында «Кедергісіз келешек» партиялық жобасы аясында «AMANAT» партиясының Шығыс Қазақстан облыстық филиалы мен Мансап орталығының ұйымдастыруымен ауқымды Бос жұмыс орындары жәрмеңкесі өтті.
Іс-шараның мақсаты – халықты жұмыспен қамтуға жәрдемдесу, жұмыс берушілер мен жұмыс іздеушілер арасында тиімді байланыс алаңын құру, сондай-ақ азаматтардың жұмысқа орналасу мүмкіндіктерін кеңейту.
Жәрмеңкеге мемлекеттік органдар мен өңірдің жетекші кәсіпорындары қатысып, өзекті бос жұмыс орындарын ұсынды. Іс-шараға келушілер жұмыс берушілермен тікелей сөйлесіп, еңбек жағдайларымен танысып, түйіндемелерін тапсыру мүмкіндігіне ие болды.
Шығыс Қазақстан облысы Әділет департаментінің қызметкерлері де іс-шараға қатысып, мемлекеттік қызметке кіру тәртібі, үміткерлерге қойылатын талаптар және конкурсқа қатысу рәсімдері бойынша түсіндіру жұмыстарын жүргізді.
Ақпарат көзі : https://www.gov.kz/memleket/entities/adilet-shko/press/news/details/1222721?lang=kk
Жауап қалдыру