«Қауіпсіз жол» республикалық жедел-профилактикалық іс-шарасының екі күнінде Ақтөбе облысында жол қозғалысы ережелерін бұзудың мыңнан астам дерегі анықталды.
Атап айтқанда, полиция қызметкерлерімен:
• 11 мас күйінде көлік басқару фактісі;
• 60 қауіпсіздік белдігін тақпау дерегі;
• 33 жүргізуші куәлігінсіз көлік басқару фактісі;
• 14 бағдаршамның тыйым салынған сигналына өту дерегі;
• 45 көлік жүргізу кезінде ұялы телефон пайдалану фактісі
анықталды.
Аталған құқық бұзушылықтар жол қозғалысы қауіпсіздігіне тікелей әсер етіп, азаматтардың өмірі мен денсаулығына қауіп төндіреді, сондай-ақ жол-көлік оқиғаларының орын алуына себеп болады.
Сонымен қатар, мамандандырылған айып тұрағына 96 автокөлік қойылды, оның ішінде 22-сі транзиттік мемлекеттік нөмірмен тіркелген.
Еске салсақ, 17-25 мамыр аралығында Ақтөбе облысының аумағында жол-көлік оқиғаларының алдын алу және жол қозғалысы мәдениетін арттыру мақсатында «Қауіпсіз жол» республикалық жедел-профилактикалық іс-шарасы өткізілуде.
Ақтөбе облысының полиция департаменті жол қозғалысына қатысушыларды жол қозғалысы ережелерін қатаң сақтауға, жолда өзара құрмет пен жауапкершілік танытуға шақырады.
Ақпарат көзі : https://www.gov.kz/memleket/entities/mvd-aktobe/press/news/details/1223792?lang=ru
Жауап қалдыру