.

Құрметті мәдениет және өнер қызметкерлері, сала ардагерлері, шығармашылық зиялы қауым өкілдері және қаламыздың тұрғындары!

          Сіздерді Қазақстан Республикасының Мәдениет және өнер қызметкерлері күнімен шын жүректен құттықтаймын! Сіздер жастарды тәрбиелеуге, қоғамдық келісімді нығайтуға және қаламыздың мәдени бейнесін қалыптастыруға баға жетпес үлес қосып келесіздер. Әрбір іс-шара адамдардың өмірін жарқын ете түседі, оны кең мағынаға, сұлулық пен руханилыққа толтырады.

          Көпжылдық еңбектерімен өнерді дамытудың берік негізін қалап, жас ұрпаққа ең озық дәстүрлерді аманат еткен, мәдениет саласының ардагерлеріне ерекше алғыс білдіремін!

          Сіздерге шын жүректен зор денсаулық, сарқылмас шабыт, шығармашылық табыс, жаңа жетістіктер, көрермен ризашылығын және отбасыларыңызға бақ-береке тілеймін.           Мәдениет пен өнер әрқашан адамдардың басын біріктіріп, игі істерге шабыттандырып, Қазақстанымызды асқақтата берсін!

Құрметпен,

Өскемен қалалық

мәслихатының төрағасы                                                                             А. Светаш

Ақпарат көзі : https://www.gov.kz/memleket/entities/ukmaslihat/press/news/details/1225027?lang=ru