Қазіргі таңда сыбайлас жемқорлықпен күрес мемлекет саясатының маңызды бағыттарының бірі болып табылады. Сыбайлас жемқорлық – қоғамның дамуына кедергі келтіретін, халықтың мемлекеттік органдарға деген сенімін төмендететін қауіпті құбылыс. Сондықтан оған қарсы күрес әрбір азаматтың, әрбір мемлекеттік қызметшінің ортақ міндеті.
Жданов ауылдық округі әкімдігі өз қызметінде ашықтық, әділдік және заңдылық қағидаттарын басты назарда ұстайды. Азаматтардың өтініштерін уақытылы қарау, мемлекеттік қызметтердің сапалы әрі қолжетімді көрсетілуі, бюджеттік қаражаттың тиімді жұмсалуы – біздің күнделікті жұмысымыздың негізгі бағыты.
Сыбайлас жемқорлықтың алдын алу мақсатында ауылдық округте түсіндіру жұмыстары тұрақты түрде жүргізіледі. Мемлекеттік қызметкерлер арасында әдеп нормаларын сақтау, қызметтік міндеттерді адал атқару мәселелеріне ерекше көңіл бөлінеді. Сонымен қатар тұрғындармен кездесулер ұйымдастырылып, заң талаптары мен азаматтардың құқықтары түсіндіріледі.
Әрбір азамат қоғамдағы әділдік пен тәртіптің сақталуына өз үлесін қосуы тиіс. Сыбайлас жемқорлыққа төзбеушілік мәдениетін қалыптастыру – болашақ ұрпақ алдындағы маңызды міндет. Тек бірлескен күш-жігер арқылы біз әділетті, дамыған және сенімді қоғам құра аламыз.
Жданов ауылдық округінің әкімі
Ибраев М.О.
Ақпарат көзі : https://www.gov.kz/memleket/entities/kostanai-kostanai-zhdanov/press/news/details/1225259?lang=ru
Жауап қалдыру