«Аса қауіпті инфекциялардың алдын алудағы өзекті мәселелер» және «Жекелеген инфекциялық бақылау мәселелері туралы» тақырыптарындағы аймақтық семинар
Павлодар облысының санитарлық-эпидемиологиялық бақылау департаменті мен денсаулық сақтау басқармасының ведомствоаралық өзара іс-қимылы аясында «Аса қауіпті инфекциялардың алдын алудағы өзекті мәселелер» және «Жекелеген инфекциялық бақылау мәселелері туралы» тақырыптарында аймақтық семинар өтті. Семинарда сондай-ақ иммунопрофилактика, оның ішінде адам папилломавирусына (АПВ) қарсы вакцинациялау мәселесі қаралды.
Іс-шараға санитарлық-эпидемиологиялық қызмет пен денсаулық сақтау ұйымдарының мамандары, сондай-ақ мамандандырылған мекемелердің өкілдері қатысты.
Семинарда аса қауіпті инфекциялардың алдын алуға қатысты өзекті мәселелер, сондай-ақ денсаулық сақтау ұйымдарында инфекциялық бақылауды ұйымдастыру және жүргізу қағидаттары қарастырылды.
Семинарға қатысушылар эпидемиологиялық жағдайды, аса қауіпті инфекциялардың таралуының алдын алу және тежеу шараларын, күдікті жағдайларды анықтау кезінде қызметтер арасындағы өзара әрекеттесу алгоритмдерін, медициналық ұйымдардың эпидемияға қарсы шараларды жүзеге асыруға дайындығын талқылады.
Ақпарат халықты АПВ вакцинациясының заманауи тәсілі, вакцинаның тиімділігі мен қауіпсіздігі, жас бойынша ұсыныстар, қатерлі ісік қаупін азайтудағы иммундау рөлі туралы ақпараттандыру үшін ұсынылады.
Сондай-ақ инфекциялық бақылау, санитарлық және эпидемияға қарсы ережелерді сақтау, медициналық көмек көрсетуге байланысты жұқпалы аурулардың алдын алу, медициналық қызметкерлердің талаптарды сақтауға жауапкершілігін арттыру мәселелеріне де назар аударылды.
Семинар барысында мамандар өзара тәжірибе алмасып, түйткілді мәселелер мен оларды шешу жолдарын талқылап, халықтың санитарлық-эпидемиологиялық салауаттылығын қамтамасыз ету үшін ведомствоаралық ынтымақтастықты одан әрі нығайтудың маңыздылығына тоқталды.
Ақпарат көзі : https://www.gov.kz/memleket/entities/departament-kkbtu-pavlodar/press/news/details/1226657?lang=ru
Жауап қалдыру