3 маусымда Степногорск қаласының полиция басқармасына жергілікті тұрғын ұрлық жасалғаны туралы өтініш білдірді. Өтініш берушінің айтуынша, белгісіз тұлғалар иесінің уақытша болмауын пайдаланып, оның пәтеріне кіріп, жалпы сомасы 1 миллион теңгеден асатын ақшалай қаражат пен алтын бұйымдарды ұрлап кеткен.
Алғашқы тергеу әрекеттері барысында қаскөйлер кіреберіс есіктің кілттерін таңдау арқылы үйге кіргені анықталды. Алдын ала мәлімет бойынша, қылмыс пәтер иесі үйде болмаған кезде бір сағат ішінде жасалған.
Осы факті бойынша полиция қызметкерлері дереу қылмыстық іс қозғап, жедел-іздестіру іс-шараларын жүргізуге кірісті.
Жұмыс барысында жедел уәкілдер ұрлықтың мән-жайларын егжей-тегжейлі зерделеді, пәтерлерді аралады, ықтимал куәгерлерден сұхбат алды, оқиға орнына жақын жерде де, күдіктілердің болжамды қозғалыс маршруттарында, ұрланған зергерлік бұйымдарды сататын орындар да орналасқан бейнебақылау камераларының жазбаларын талдады.
Полиция қызметкерлерінің үйлесімді және кәсіби іс-қимылдарының арқасында екі тәулік ішінде пәтер ұрыларының жеке басы анықталды. Бұған дейін мүліктік қылмыс жасағаны үшін сотталған Көкшетау қаласының тұрғындары күдікті болып шықты. Одан әрі тергеу әрекеттері барысында санкцияланған тінту жүргізіліп, нәтижесінде ұрланған мүліктің бір бөлігі, сондай-ақ басқа да заттай дәлелдемелер табылып тәркіленді.
Қазіргі уақытта мойындау айғақтары алынды, ұсталғандардың Ақмола облысының аумағында осындай қылмыстарға қатысы бар-жоғын тексеру жүргізілуде. Тергеу кезеңінде күдіктілер ұсталып, уақытша ұстау изоляторына қамауға алынды.
Тергеу әрекеттері жалғасуда.
Полицейлер азаматтарға өз мүлкін қорғау бойынша қосымша шаралар қабылдау қажеттігін ескертеді: сенімді құлыптар, бейнебақылау және дабыл жүйелерін орнату, сондай-ақ үйде ұзақ уақыт болмау туралы бөгде адамдарға хабарламау.
Ақпарат көзі : https://www.gov.kz/memleket/entities/mvd-akmola/press/news/details/1236627?lang=ru
Жауап қалдыру