Қазақстан Республикасы Мемлекеттік қызмет істері агенттігінің келісімімен Дәурен Ерланұлы Қуаныш Ақтөбе облысының дін істері басқармасының басшысы лауазымына тағайындалды.
Дәурен Ерланұлы Қуаныш Ақтөбе облысы Әйтеке би ауданында дүниеге келген. 2014 жылы Экономикалық-құқық колледжін «Құқықтану» мамандығы бойынша, 2023 жылы Қазақ-Орыс халықаралық университетін «Құқық» мамандығы бойынша тәмамдаған.
Еңбек жолын 2015 жылы Ақтөбе қаласының азаматтық хал актілерін тіркеу бөлімінде жетекші маман болып бастаған.
2017–2021 жылдары Ақтөбе қаласы әкімінің аппаратының персоналды басқарудың бірыңғай қызметінде бас маман, сондай-ақ қалалық терроризмге қарсы комиссия жұмысы жөніндегі үйлестіру бөлімінде бас маман қызметтерін атқарған.
2023 жылы Ақтөбе қаласы Алматы ауданы әкімі аппаратының кәсіпкерлікті дамыту бөлімінде бас маман болып жұмыс істеген.
Ақпарат көзі : https://www.gov.kz/memleket/entities/aktobe-din/press/news/details/1241095?lang=ru
Жауап қалдыру