ДӘРІ-ДӘРМЕКТЕР БАЛАЛАРҒА САТЫЛМАЙДЫ

Қазақстан Республикасы Денсаулық сақтау министрінің 2020 жылғы 17 қыркүйектегі № ҚР ДСМ-104/2020 бұйрығымен бекітілген «Дәрілік заттар мен медициналық бұйымдарды көтерме және бөлшек саудада өткізу» Қағидаларының 16-2-тармағына сәйкес, Дәрі-дәрмектер балаларға сатылмайды.

Дәріханалық ұйымдар тарапынан балаларға дәрі-дәрмек сату фактілері анықталған жағдайда келесі жауапкершілік шаралары қарастырылған.

Назар аударыңыз!

Қазақстан Республикасы Денсаулық сақтау министрінің 2020 жылғы 17 қыркүйектегі № ҚР ДСМ-104/2020 бұйрығымен бекітілген «Дәрілік заттар мен медициналық бұйымдарды көтерме және бөлшек саудада өткізу» Қағидаларын бұзғаны үшін ҚР ӘҚБтК-нің 426-бабына сәйкес әкімшілік жауапкершілік көзделген.

Атап айтқанда:

жеке тұлғаларға – жетпіс;

лауазымды адамдарға – жүз;

шағын кәсіпкерлік субъектілеріне – жүз отыз;

орта кәсіпкерлік субъектілеріне – екі жүз;

ірі кәсіпкерлік субъектілеріне – бір мың айлық есептік көрсеткіш мөлшерінде айыппұл салынады.

БАЛАЛАРДЫҢ ҚАУІПСІЗДІГІ МАҢЫЗДЫ!

Балалардың дәріханадан дәрі-дәрмектерді өз бетінше сатып алуы олардың денсаулығына кері әсер етуі мүмкін. Оның салдары денсаулыққа зиян келтіруі ықтимал. Сондықтан балаларға дәрі-дәрмектерді өткізуге жол берілмейді.

ҚР ДСМ Медициналық және фармацевтикалық бақылау комитетінің Маңғыстау облысы бойынша департаменті «Дәрілік заттар мен медициналық бұйымдарды көтерме және бөлшек саудада өткізу қағидаларын» сақтаудың маңыздылығын ескертеді.