Қоғамдық қауіпсіздік пен құқықтық тәртіпті қамтамасыз ету мақсатында Қазақстан Республикасы Әкімшілік құқық бұзушылық туралы кодексінің 434-3-бабына сәйкес қоғамдық орындарда бет-әлпетті тануға кедергі келтіретін киім-кешекті киіп жүруге тыйым салынатынын еске саламыз.

Бұл талап адамның бет-жүзін толық жауып, оның жеке басын анықтауға мүмкіндік бермейтін киімдерге ғана қатысты. Ал хиджаб, химар, шейла, әл-амира және бет ашық қалатын өзге де діни киімдер заң талаптарын бұзбайды.

Сондай-ақ, аталған талап Қазақстан Республикасы заңдарының талаптарын орындау, қызметтік (лауазымдық, еңбек) міндеттерін атқару, медициналық мақсаттар, азаматтық қорғау, қолайсыз ауа райы жағдайлары, сондай-ақ спорттық, спорттық-бұқаралық және мәдени-бұқаралық іс-шараларға тікелей қатысу жағдайларына қолданылмайды.

Көрсетілген талаптарды бұзғаны үшін әкімшілік жаза ретінде ескерту көзделген. Ал әкімшілік жаза қолданылғаннан кейін бір жыл ішінде құқық бұзушылық қайталанса, 10 АЕК мөлшерінде айыппұл салынады.

Ақпарат көзі : https://www.gov.kz/memleket/entities/mvd-shymkent/press/news/details/1250496?lang=ru