«Әлеуметтік-еңбек саласын цифрландыру» тақырыбындағы салалық форум жұмысына қатыстым. Іс-шараға медициналық-әлеуметтік мекемелердің басшылары мен мамандары, мемлекеттік органдардың өкілдері, сондай-ақ ақпараттық технологиялар және әлеуметтік қамсыздандыру саласының мамандары қатысты. Кездесудің негізгі мақсаты – әлеуметтік қолдау институттарын жаңғырту және мемлекет, әлеуметтік қорғау мекемелері мен қызмет алушылар арасындағы өзара іс-қимыл тетіктерін жетілдіру бойынша ортақ тәсілдерді қалыптастыру болды.
Панельдік сессиялар барысында арнайы әлеуметтік қызметтер көрсету жүйесін одан әрі цифрландыру мәселелері талқыланды. Әлеуметтік қызметтер порталын дамытуға ерекше назар аударылды. Сонымен қатар, мемлекеттік ақпараттық жүйелерді интеграциялау және ведомствоаралық деректер алмасуды жетілдіру мәселелері қарастырылды. Бұл шаралар арнайы әлеуметтік қызметтерді көрсету тиімділігін арттыруға, азаматтардың өтініштерін қарау мерзімдерін қысқартуға және әлеуметтік қызмет көрсету жүйесін жетілдіруге бағытталған.
Құқық қорғау институттарының қызметі медициналық-әлеуметтік мекемелердегі өмір сүру сапасының стандарттарын қамтамасыз етумен тікелей байланысты. Осы саланы цифрландыру -ресурстарды бөлудің ашықтығын қамтамасыз етуге, артық әкімшілік кедергілерді жоюға және халықтың әлеуметтік тұрғыдан осал санаттарының құқықтарын уақтылы қорғауға мүмкіндік береді.
Ақпарат көзі : https://www.gov.kz/memleket/entities/ombudsman-sko-oblysy/press/news/details/1259089?lang=ru
Жауап қалдыру