Красная поляна ауылында заманауи LED-экран орнатылды. Жаңа LED-экранның орнатылуы елді мекеннің ақпараттық инфрақұрылымын дамыту бағытындағы маңызды қадамдардың бірі болды. Енді ауыл тұрғындары маңызды ақпараттарды жедел алып, мемлекеттік бағдарламалар, қоғамдық маңызы бар іс-шаралар, мәдени және спорттық жаңалықтар, сондай-ақ әлеуметтік және ақпараттық бейнероликтерді тамашалай алады. Заманауи цифрлық экранның орнатылуы халыққа ақпараттың қолжетімділігін арттырып, қоғамдық ақпараттандыруды дамытуға және ауыл тұрғындары үшін жайлы әрі заманауи орта қалыптастыруға ықпал етеді.